270 talde gipuzkoarrek eman dute izena egun bakarrean!
24 ordutan, 270 etxeko taldek eman dute izena Donosti Cup 2025 txapelketan, iazko lehen egunean erregistratutako 253 taldeak gaindituz.
Aurreinskripzioa egiten lehenengoen artean Lengokoak SD, Tolosa CF eta Ekintza KE daude. Azken hau, bigarren urtez jarraian, podiumean izena ematen duten talde azkarrenen artean.
Kategorien araberako banaketari dagokionez, gizonezkoen artean, B13, B12 eta B14 kategoriak izan dira eskatuenak; emakumezkoen artean, berriz, G14, G12 eta G16 kategoriek, orden horretan. Azpimarratzekoa da B12 F11 kategoria berria, iada itxita dagoela. Erabaki hori atzerriko, nazioko eta tokiko taldeen arteko oreka bermatzeko hartu da, kategoria horrek lehenengo urte honetan kupo murriztua baitzuen, gainerakoekin alderatuta. Oraingoz, gainerako kategoriak irekita daude.
Gainera, txapelketan parte hartzen duten jokalari gipuzkoarrek Donosti Cup Rural Kutxa beka eska dezakete hurrengo formularioa betez. Partaidetza-kuotaren zenbatekoa jaso ahal izateko, interesdunek Rural Kutxako bezero izan beharko dute edo JovenIn kontu bat ireki beharko dute, kontuan komisiorik eta mantentze-gasturik ez duena. Iaz, Rural Kutxak 40.000 euro baino gehiago bideratu zituen beka horietara, 600 kirolari gazteri baino gehiagori lagunduz.
Donosti Cup-eko antolakuntzak benetan eskertzen die talde guztiei erakutsitako gogoa. Mila esker!
