![1](/sites/default/files/styles/donosticup_noticia_smallx2/public/2024-07/image00038.jpeg?itok=B8D9AhoY)
Donosti Cup 2025 uztailaren 7tik 13ra ospatuko da
Talde atzerritarren izen-emateak irailaren 18an, asteazkena, irekiko dira 10:00etan.
Donosti Cup 2025ek baditu datak: 33. edizioa uztailaren 7tik 13ra ospatuko da. Bost urterik behin gertatzen den bezala, txapelketa uztaileko bigarren astera aldatzen da, eta hurrengo edizioetan berriz ere hileko lehen egunetara hurbiltzen joango da.
Azken bi edizioen formatua mantenduko da. Horrela, uztailaren 7a, astelehena, akreditazioa eta adin-kontrola entregatzeko eguna izango da talde nazional eta atzerritarrentzat, eta etxeko talde batzuek bere lehen jardunaldia jokatuko dute. Estatuko eta atzerriko taldeentzako lehiaketa uztailaren 8an, asteartean, hasiko da, eta ondoren, Inaugurazio Ekitaldia, gauean bertan. Finalak uztailaren 12an, larunbata, jokatuko dira arratsaldez, eta uztailaren 13an, igandea, goizez.
Donosti Cup 2025erako izen emateak irailaren 18an, asteazkena, irekiko dira 10:00etan. Data hori baino lehen, informazio guztia txapelketaren webgunean eguneratuko da eta ostatuen prezioak argitaratuko dira.
Ordura arte, uda zoriontsua opa dizuegu guztioi!