Vicky López, Donosti Cupeko jokalari ohia, Golden Girl sariko irabazlea
Tuttosportek Barçako izarra Europako 21 urtez azpiko jokalari onena dela aitortu du. Abenduaren 16an jasoko du saria Turinen.
Vicky López 18 urteko gazte madrildarrak Tuttosport egunkari italiarrak Europako 21 urtez azpiko futbolari onenari ematen dion Golden Girl 2024 sari ospetsua jaso du. FC Bartzelonako jokalariak abenduaren 16an jasoko du aitortza hori, Turinen egingo den galan.
Vicky Donosti Cup-ean ezaguna da. Madrid CFF taldearekin hainbat ediziotan parte hartu zuen Barçak 15 urterekin fitxatu aurretik. Txapelketan egindako lorpenen artean, 2018ko txapeldun titulua eta 2019ko azpitxapelduna nabarmentzen dira.
Gaur egun, Bartzelonako funtsezko pieza da, 2023-24 denboraldian tituluen poker historikoan parte hartu baitu. Bere balio-aniztasunak ezinbesteko jokalari bihurtzen du: barrukoa, muturrekoa edo gezurrezkoa izan daiteke, errepertorioari regatea, gola eta magia gehituz. Gainera, Espainiako Selekzioko helduen taldean aritu da, azpiko kategorietan distira egin ondoren.
Donosti Cup-eko antolakuntzatik Vicky zoriondu nahi dugu merezitako errekonozimendu honengatik, harro bere ibilbidearen lehen urratsetan parte hartzeagatik. Zorionak, txapelduna!
