2024-ko Donosti Cup-ak izen-emateak itxi ditu, parte hartze errekor berri batekin!
900 taldek parte hartuko dute txapelketaren edizio internazionalenean
Donosti Cup-ek mugarri historikoa ezarri du 32. edizioan: 27 herrialdeetako 900 taldek eman dute izena. Nobedadeen artean, Hego Korea, Oman eta Lituania daude. Horrela, 83 herrialdek parte hartu dute txapelketan lehen ediziotik. Ordezkaritza duten gainerako herrialdeak hauek dira: Andorra, Australia, Belgika, Brasil, Kolonbia, Danimarka, Espainia, Estatu Batuak, Etiopia, Frantzia, Ghana, Grezia, Guatemala, Irlanda, Italia, Japonia, Jordania, Mexiko, Palestina, Portugal, Erresuma Batua, Mendebaldeko Sahara, Suedia eta Suitza.
Kategorien artean, B12 izan da eskatuena (124 talde) eta ondoren B14 eta B13 (116 eta 84 talde, hurrenez hurren). Nesketan, G14 izan da kategoria eskatuena (54 talde), G17 eta G12 kategoriak jarraituta (48 eta 40 talderekin, hurrenez hurren).
Donosti Authentics Cup-ek, bere laugarren edizioan, emozioa batu du Mexiko, Irlanda, Frantzia, Katalunia eta Euskal Herriko 8 talderen parte-hartzearekin.
Izen-emateak itxi egin dira, antolakuntzak ezarritako 900 taldeko kupoa lortu baita. Kupo hau ostatu-ahalmenaren eta joko-zelaien kopuruaren araberako ezarri da. Hurrengo egunetan bajaren bat gertatuz gero, itxaron-zerrendan dauden taldeekin harremanetan jarriko gara.
Donosti Cup-ek eskerrak eman nahi dizkie talde guztiei txapelketan parte hartzeagatik eta guztiontzat esperientzia oso positiboa izatea espero du.
