Donosti Cup 2025 txapelketan parte hartzeko izen-emateak irailaren 18an irekiko dira Gipuzkoatik kanpoko taldeentzat
Formularioa 10:00etan gaituko da eta klub bakoitzak genero bereko 10 talde inskribatu ahal izango ditu gehienez.
Guztira, gizonezkoen zortzi kategoria, emakumezkoen bost, eta adimen-desgaitasuna duten jokalariek osatutakoo taldeentzako kategoria bat egongo dira. Hurrengo edizioko berritasunetako bat "G12-Friendly" eta "B11-Friendly" kategoriak sortzea da, txapelketan modu ez hain lehiakorrean parte hartu nahi duten taldeei zuzenduta. Bi kategoria horietan ez dira emaitzak argitaratuko eta ez da azken faserik egongo. Era berean, "B12-Futbol 11" kategoria sortu da, "B12-Futbol 8" kategoriaren alternatiba gisa, orain arte bezala mantenduko dena. B10, G10 eta B9 kategoriak dira, oraingoz, egongo ez diren kategoriak, adin goiztiarreko taldeen jarduera-eremua Gipuzkoara mugatzen duen Aldundiaren arau baten ondorioz. Antolakuntzak Aldundiarekin lanean jarraitzen du, txapelketaren berezitasuna kontuan hartuta, irtenbide bat aurkitzeko.
Hurrengo edizioetarako beste berritasunetako bat izena emateko kuota eta parte hartzeko kuota pertsona bakoitzeko 150,00 euroko kuota bakarrean batzen direla da. Kuota hori pakete turistiko desberdinen prezioetan sartuta dago, baina ostatua antolakuntzaren bidez erreserbatu beharrik gabe ere kontrata daiteke.
Hurrengo edizioari buruzko informazio guztia -kategoriak, jarduera-programa, prezioak eta abar- eguneratuta dago web orrian. Ostatu-paketeen prezioak ere kontsulta daitezke. Oraindik prezio batzuk falta dira, baina datozen egunetan argitaratu ahal izatea espero dute.
Gogoratu plazak mugatuak direla, klub bakoitzak genero bereko 10 talde inskriba ditzakeela gehienez, eta aurretik izena ematen duten taldeek lehentasuna izango dutela ostatua aukeratzeko orduan.
Donosti Cupetik ongietorri beroa egiten dizuegu 33. ediziora.
