Iritsi da Donosti Cup 2024 txapelketako taldeen zozketa!
Emaitza ekainaren 6an argitaratuko da webgunean, 12:00etan.
Hilabete bat baino gutxiago geratzen da Donosti Cup 2024 txapelketa hasteko, eta bihar oso egun berezia izango da parte hartzen duten talde guztientzat, multzoen zozketa egingo baita.
1. ontzian atzerriko taldeak egongo dira, 2.ean nazionalak, eta 3.ean etxeko taldeak. Multzoak 4 edo 5 taldek osatuko dituzte, eta gehienetan gutxienez atzerriko talde bat egongo da.
B19, B16, B15, G19 eta G16 kategorietan, lehen fase honetan, ikastetxeetako taldeak elkarren artean multzokatuta egongo dira. B10 GIP kategorian, Gipuzkoako eskualde ezberdinetako taldeak egongo dira.
Multzoen fasean talde bakoitzak gutxienez 3 edo 4 partida jokatuko ditu. Ondoren, multzo bakoitzeko lehen bi taldeak Txapeldunen Ligarako sailkatuko dira, eta hirugarrena eta laugarrena, Europa Ligarako.
Taldeak ekainaren 6an kontsultatu ahal izango dira, 12:00etan, txapelketaren webgunean. Ekainaren 10eko astean argitaratuko da 1. faseko egutegia, eta ekainaren 17ko astean argitaratuko da azken faseko egutegia.
