Lehiaketa-eredu berri bat beheko mailetan, kiroltasuna eta aurkako taldeko errespetua sustatzeko

Horrelako txapelketa batean lekuz kanpo dauden gol kopuru haundiak saihesteko, Donosti Cup-ek lehiaketaren oinarri batzuk aldatzea erabaki du eta beste garrantzitsu batzuk ipini ditu, batez ere 12 urte baino gutxiagoko kategorietan.

Horrela, lehenengo fasean denek futbol-8 modalitatean jokatuko dute, eta golak ez dira kontuan hartuko. Orain partiduak 3 zatitan jokatuko dira, eta ez 2tan lehen bezala – 2 zati 15 minutukoak eta zati bat 20 minutukoa-, zati bakoitza set bezalakoa izanda. Irabazitako zati bakoitzak 2 puntu emango dio taldeari, berdinketa puntu bat eta, galdutako zatiak 0 puntu.

Aldaketa honekin 12 urte baino gutxiagoko jokalariek futbolaren esperientziaz gozatzea lortu nahi da golak alde batera utziz, zeren eta, berdina izango da zati bat irabaztea 3-0 edo 4-0, lortuko dituzten puntuak berberak izango dira.

Arau berri honek “Aurkako taldearekiko errespetua” leman oinarritzen da, kiroltasuna, joko garbia eta besteekiko errespetua sustatzea bilatuko da.