Gaur talde nazionalen eta atzerritarren txanda da, akreditazioak jaso eta adinaren kontrola pasa beharko baitute
Bihar hasiko da Donosti Cup, etxekoentzat zein atzerritarrentzat oso berezia den txapelketa. Azken hauek, talde nazionalekin batera, adin kontrola pasa eta akreditazioak jaso beharko dituzte gaur Reale Arenako Hegoaldeko Aparkalekuan.
Talde lokal guztiak akreditatu ondoren, txapelketa hasi aurreko azken egunean nazio mailako eta atzerriko taldeen txanda da. Horietako asko asteburuan zehar iritsi ziren Donostiara, entrenatzeko eta hiria bisitatzeko aprobetxatuz. Beste batzuk, berriz, gaur iritsiko dira, eta Reale Arenako Hegoaldeko Aparkalekuan aurkeztu beharko dira antolatzaileek deitu dieten orduan. Bi prozedura hauek pasatzeko, jokalari bakoitzak argazki bat duen dokumentu ofizial bat aurkeztu beharko du bere burua identifikatzeko. Lehiaketan parte hartzeagatik eskerrak emateko, Donosti Cupek Gymsack delako oroigarri bat oparituko dio parte-hartzaile bakoitzari.
Larunbatean bezala, non talde euskaldun guztiek akreditazioak hartu zituzten, giro bikaina eta espero da. Gainera, kulturen nahasketak giro desberdina eman diezaioke egun zirraragarri honi. Urduritasuna parte-hartzaile eta langile guztien aurpegian ikus daiteke, biharkoa baita guztiok espero dugun egun handia. Guztion artean Donosti Cup txapelketa bakarra eta berezia bihurtzen dugu, besteak beste, hiriaren eta inguruaren edertasunagatik.
